Ардагер ұстаз

2018 жылғы 4 қазанда Үлкен Владимировка орта мектебі ұжымы мектептің ардагер ұстаздарын қарсы алды. Ардагер ұстаздарымыз мектеп оқушылары мен ұстаздарының әзірлеген концерттік бағдарламасын тамашалады. Қонақтарға деген ізгі ниеттері мен жақсы тілектерін мектеп ұжымы кеш бойы көрсете білді. Жақсы тілектер білдіре отырып, ардагер ұстаздар кештегі сазды әуендерді бірге шырқап, көңілдері көтеріле түсті.

Кеш соңы мерекелік дастарханмен, мектеп кабинеттеріне саяхаттаумен жалғасты. Осы кештен барлық ұстаздар жақсы әсер алып, көтеріңкі көңіл күймен демалып қайтты.

 

Мектеп директорының м.а. Ш.Е.Мұхаметжанова