«Өзін-өзі: тану Махаббат және Шығармашылық педагогикасы»
2019 жылдың 1-15 ақпан күндері аралығында Үлкен Владимировка орта мектебінде «Өзін-өзі тану» пәні бойынша «Бөбек» қорының Президенті Сара Алпысқызы Назарбаеваның туған күніне орай « Махаббат пен Шығармашылық педагогикасы» атты дәстүрлі онкүндігі ұйымдастырылып өтті. Онкүндіктің басты мақсаты оқушыларды рухани-адамгершілік тәрбие ізгілігіне шақыру, сүйіспеншілік ұғымы туралы түсінік кеңейту, оқушыларды ізгі істерге жетелейтін адамгершілік қасиеттерін дамытуға ықпал ету. Мейірімді болуға тәрбиелеу. Онкүндік іс-шаралары салтанатты лездемемен басталып, «Руханилықтың мөлдір бұлағы», «Аналардың анасы», «Күн шуағым - отбасым» «Мейірімді жүректер ынтымақтастығы», «Мейірімді жүректер», «Мен таңдаған мамандық», «Сүйіспеншілікпен өмір сүру», «Бақытты балалық шақ» атты тақырыптардағы іс-шаралармен жалғасын тапты. Онкүндіктің қорытындысы бойынша 15 ақпан күні лездемеде белсенді қатысқан сыныптар мен оқушылар алғыс хаттармен марапатталды.
Мектеп директоры Г.К. Тилеубекова