«ЗАҢ МЕН ТӘРТІП» жобасы аясында жоғары сынып оқушыларымен кездесу өтті

«ЗАҢ МЕН ТӘРТІП» жобасы аясында жоғары сынып оқушыларымен кездесу өтті

Қазіргі таңда жастардың құқықтық сауаттылығын арттыру және олардың қоғамдағы рөлін күшейту — маңызды басымдықтардың бірі. Осы мақсатта Бесқарағай ауданында «ЗАҢ МЕН ТӘРТІП» жобасы табысты іске асырылуда. Жоба аясында жоғары сынып оқушыларымен кездесу ұйымдастырылып, жас буынға құқықтық көмек көрсету, олардың заңнамалық құқықтары мен әлеуметтік қорғау жүйесі туралы жан-жақты ақпарат берілді.

Кездесу барысында оқушылар заң көмегін алу тәртібі, әлеуметтік қызметтерге қатысты заңнамалар, құқықтар мен міндеттер туралы кеңінен мағлұмат алды. Мамандар құқықтық мәселелер туындаған жағдайда қайда жүгіну керек екенін, қандай ресми арналар арқылы көмек алуға болатынын нақты мысалдармен түсіндірді.

Шараның басты маңыздылығы – жастарға өз құқықтарын тануға, түсінуге және оларды қорғауға үйрету. Құқықтық сауаттылық – азаматтық жауапкершіліктің негізі. Сондықтан мұндай кездесулер жастарды құқықтық жағынан тәрбиелеп қана қоймай, оларды белсенді азаматтық ұстанымға жетелейді.

Кездесу соңында қатысушылар арасында зияткерлік ойын ұйымдастырылып, жастардың құқықтық білімін бекітуге арналған қызықты әрі танымды тапсырмалар ұсынылды.

Бұл бағыттағы шаралар ауданда жүйелі түрде жалғасып, жас ұрпақтың құқықтық мәдениетін дамытуға айтарлықтай үлес қосуда.